Сирдарёда қўшмачилик билан шуғилланган эркак қўлга олинди
13.07.2017 10:44,
9
Сирдарё туман ИИБ ҲПБ профилактика инспекторлари томонидан туман ҳудудида фоҳишахона сақлаган эркак қўлга олинди. Бу ҳақда ИИВ Ҳуқуқбузарликлар профилактикаси бош бошқармаси хабар берди.
2017 йилнинг 6 июль куни тахминан соат 21:30 ларда тезкор тадбирлар давомида О.Борисов (исм-шарифлари ўзгартирилган) Сирдарё шаҳар ҳудудида жойлашган хонадонида фоҳишахона сақлаб, 30 000 сўм пул эвазига фуқаро «Т» ва «Д»ларга жинсий алоқа қилишлари учун шароит яратиб берганлиги аниқланди.
Мазкур ҳолат юзасидан Сирдарё тумани ИИБ ҳузуридаги Тергов бўлими томонидан Ўзбекистон Республикаси ЖКнинг 131-моддаси 2-қисми (фоҳишахона сақлаш) аломатлари билан жиноят иш қўзғатилган.
Ҳозирда тергов ҳаракатлари давом эттирилмоқда.