Валюта курси: Ўз.Р.Марказий банки
USD
АҚШ доллари
EUR
Eвро
RUB
Россия рубли
Sayt test rejimida ishlayapti!!!

Сўнгги янгиликлар






Шавкат Мирзиёев депутатларга ижтимоий тармоқларда аккаунт очишни буюрди
13.07.2017 11:19,  
5

Мирзиёев Ўзбекистондаги ҳар бир депутат ижтимоий тармоқларда ўз аккаунтига эга бўлиши лозим деган фикрни билдирди.

"Депутат ва сенаторлар ўз фаолияти ҳақида сайловчиларни хабардор этиб бориш учун Интернетда, ижтимоий тармоқларда ўз саҳифаларини очиб, зарур маълумотларни уларга киритиб боришлари лозим. Дунёдаги кўпгина мамлакатлар аллақачон шу тизимга ўтган, деб таъкидлади Ўзбекистон президенти Олий Мажлис палаталари вакиллари билан ўтказган видеоселектор йиғилишида.

Мирзиёев бу борадаги ишларни ташкил этиш вазифаси Ахборот технологиялари ва коммуникацияларини ривожлантириш вазирлиги раҳбари Ш.Шерматовга топширилишини билдириб ўтди.

Ўзбекистон президенти, шунингдек, Олий Мажлис палаталари депутатлар ва сенаторларни маънавий ва моддий рағбатлантиришга доир низомни ишлаб чиқиб, амалиётга татбиқ этиш лозимлигини таъкидлади.

"Ҳар бир депутат фаолиятини баҳолаш ва рағбатлантиришнинг аниқ мезони ва механизмларини белгилаш, шунга кўра намуна кўрсатган депутатларга "адолатли депутат", "халқпарвар депутат", "меҳнаткаш депутат" деган номлар беришни назарда тутиш мақсадга мувофиқдир", деди президент.

"Ўйлайманки, бундай номларга сазовор бўлган депутатлар кейинги сайловларда аввало сиёсий партиялар томонидан номзод сифатида илгари сурилади, энг муҳими, улар халқимиз томонидан қўллаб-қувватланади", — ишонч билдирди Ўзбекистон президенти.

Мирзиёев шунингдек, сидқидилдан ва самарали ишлаган, ваколати тугаган депутатларга "фахрий депутат" мақомини бериб, уларнинг ойлигига устама ҳақ тўлаш тизимини жорий қилиш кераклигини айтди ва Қонунчилик палатаси депутати ёки Сенат аъзоси бўлган фахрий депутатларга ҳар йили энг кам ойлик иш ҳақининг 8 баробари, маҳаллий кенгашларнинг фахрий депутатларига — 3 баробардан 5 баробаргача бўлган миқдорда мукофот беришни таклиф этди.

Тавсия этамиз






Тавсия этамиз

Ҳар доим хабардор бўлинг!

carzone.uz мобил иловаларини кўчириб олинг ва барча янгиликлар сиз билан