Бирлашган Миллатлар Ташкилоти ҳисоб-китобларига кўра, дунёда 20 миллиондан ортиқ одамга очлик хавф солмоқда. Washington Post нашри тарқатган маълумотга кўра, ташкилот очарчиликка барҳам бериш учун лозим бўлган миқдордаги маблағнинг ярмисини ҳам тўплай олмаган.

БМТнинг Инсонпарварлик ишларини мувофиқлаштириш идораси хабар беришича, Яман, Сомали, Жанубий Судан ва Нигерияда очарчиликни тугатиш учун 6,27 миллиард доллар талаб қилинади. 17 июль ҳолатига кўра, ташкилот қайд қилинган маблағнинг 43 фоизини қўлга киритишга муваффақ бўлган.

Халқаро қутқарув қўмитаси ўтказган сўровнома натижалари шуни кўрсатмоқдаки, америкаликланинг 85 фоизи дунёда ҳукм сураётган озиқ-овқат етишмовчилиги ҳақида маълумотга эга эмас. Бу эса дунёда Иккинчи жаҳон урушидан бери энг даҳшатли очарчилик юз бераётган ахборот асри учун кутилмаган ҳолдир.

4 та мамлакатда юз бераётган очарчиликка ҳам ҳукуматлар, ҳам оддий инсонлардан эътибор жуда паст даражада. Халқаро қутқарув қўмитаси айни даврнинг энг асосий муаммоси ахборот дунёсида жуда кам ёритилаётганидан таассуфини изҳор қилган.

АҚШнинг Халқаро тараққиёт агентлиги хабар қилишича, Сомали ва Жанубий Суданда аҳолининг ярмидан кўпи очликка мубтало бўлган ва улар зудлик билан ёрдам кўрсатилишига муҳтож. Нигерияда эса 5 миллион кишига очарчилик хавф солмоқда.

Фуқаролар уруши давом этаётган Яманда эса энг қўрқинчли вазият ҳукм сурмоқда. Уруш туфайли вайрон бўлган мамлакатда 20 миллион киши инсонпарварлик ёрдамига муҳтож. Мамлакатда апрел ойидан бери давом этаётган вабо эпидемияси оқибатида касалликни юқтиришга улгурган.

Яман аҳолисини очарчиликдан қутқариш учун зарур бўлган таъминотнинг фақатгина 40 фоизидан камроғи ҳомийлар томонидан етказилган. 4 та мамлакатда жами 1,4 миллиондан ортиқ болалар эса тўйиб овқат емасликдан азият чекмоқда.