Россия ички ишлар вазирлигининг Москва метрополитенидаги ходимлари йўловчилардан биридан 200 минг рублни ўмарган фаррошни қўлга олишди. Бу ҳақда «Москва» агентлиги ҳуқуқни муҳофаза қилувчи органлардаги манбаларга асосан хабар бермоқда.
Маълумотларга кўра, 50 ёшли фуқаро сумкаси ўғирлангани ҳақида полицияга хабар берган. Сумкада 3 минг АҚШ доллари, 25 минг рубль, паспорт, пойтахт меҳмонхонасига кириш рухсатномаси ва йўл чиптаси бўлган.
Полиция вакилларининг ҳаракатлари туфайли сумкани ўғирлаган шахс топилди. У Москванинг “ВДНХ” метросида фаррош бўлиб ишлаган 34 ёшли Ўзбекистон фуқароси экани аниқланди. Айни вақтда мазкур ҳолат бўйича суриштирув ишлари олиб бориляпти.