AҚШ сенати Германиянинг энергетика сохасига даҳл қиладиган, Россияга нисбатан қабул қилинган иқтисодий чораларни қабул қилди. “Der Spiegel” нашри хабар беришича, Германия ташқи ишлар вазири Зигмар Габриел янги жазо чораларини танқид қилган ва президент Доналд Трампдан бу борада бирор бир чора кўришни талаб қилган.

“Der Spiegel” нашри билан мулоқот ўтказган социал демократ шундай дейди: “Биз ўз позициямизни ўзгартирмаймиз ва AҚШ ҳудудидан ташқарига чиқиб кетадиган, Россияга қарши қабул қилинган санкцияларни қабул қилмаймиз”.

Зигмар Габриел маҳаллий энергетика сохасини ривожлантириш ва миллий экспорт манфаатларини ҳимоя қилиш учун иқтисодий жазо чораларидан фойдаланиш умуман тўғри келмайдиган сиёсат деб таъкидлайди.

Ташқи ишлар вазири президент Трамп жазо чоралари пакетини имзолашига ишора қилар экан, “Энди Президент Трамп кейин нима қилиши кераклиги борасида қарор қабул қилиши керак”, – дейди.

Шпигел нашри Трамп мазкур қарорга имзо қўядими ёки ветоми ҳали аниқ эмаслигини эътироф этади.

Шпигел билан мулоқоти чоғида Зигмар Габриел AҚШ Конгрессининг иқтисодий жазо чораларини тадбиқ қилишда ЕИдаги ҳамкорлари билан баҳамжиҳат қарор қабул қилиши фикрини ва қарор матнига ўзгартириш киритиш керакли фикрини маъқуллайди.

Украиндаги низо масаласида AҚШнинг пассивлигини танқид қилган ҳолда, Германия ҳукумати вакили Москвага сиёсий босимни кучайтириш лозимлигини ҳам такидлаб ўтган.

Шунингдек, агар расмий Москва жараённи ўлик нуқтадан силжишига ҳисса қўшиб, Минск келишувларини олдинга силжишида ҳаракатлар сезилса, санкциялар юмшатилишига эришиш мумкинлигини айтади.