Валюта курси: Ўз.Р.Марказий банки
USD
АҚШ доллари
EUR
Eвро
RUB
Россия рубли
Sayt test rejimida ishlayapti!!!

Сўнгги янгиликлар






Эрта туриб, чарчоқни ҳис қилмасликнинг 5 та йўли
31.07.2017 16:44,  
53

Ҳар куни 6—8 соатлик уйқу ҳар бир киши учун зарур деган умумий тушунча мавжуд. Аммо сўнгги тадқиқотлар бу ҳақиқатдан узоқроқ эканлигини кўрсатди. Бунинг устига, Буюк Британиянинг Суррей университети Уйқу тадқиқот маркази олимлари уйқунинг сифати унинг миқдоридан анча муҳимроқ эканлигини даъво қилмоқда. Уйқунинг сифатига нима таъсир қилади? Етарлича ухламаган бўлсак ҳам, эрта туриб, ўзимизни тетик ҳис қилишимизга нима ёрдам беради? Тинч уйқуга қандай тайёрланиш керак?

Кечаси қаҳва ва шоколаддан воз кечинг

Кечаси яхшилаб тўйиб ухламоқчимисиз? Унда уйқунгиз цикли узлуксиз бўлиши керак. Қувват тўплаб олиш учун 4 соатлик чуқур уйқу сизга етарли бўлади, асосийси, бу уйқу узилмаслиги керак. Тунги уйқусизликнинг энг кўп тарқалган сабабларидан бири — нотўғри овқатланиш; баъзи маҳсулотлат ҳазм қилиш тизимига шундай таъсир кўрсатадики, сиз тинчгина ухлай олмайсиз. Қаҳва ва шоколад ана шундай маҳсулотлар сирасига киради.

Нақ уйқудан аввал ҳожатга чиқинг

Баъзилар уйқудан олдин кечгача китоб ўқийди, телевизор кўради ёки интернетда ўтиради ва ҳожатга чиқишни унутади. Бироқ сийдик пуфаги аста-секинлик билан сездирмасдан тўла бошлайди, буйраклар эса ухлаётган вақтимизда туни бўйи ишлайди. Бу шуни билдирадики, сийдик пуфаги эрталабгина тўлса-да, у сизни кечаси безовта қилади. Шу туфайли ушбу ноқулайликка дуч келмаслик учун уйқудан олдин ҳожатга чиқинг.

Яхши ва кайфиятни кўтарадиган нарса ҳақида ўйланг

Стресс ва ташвиш кайфиятингизга, шунингдек, уйқу вақтида пайдо бўладиган фикрлаш моделига ва организмдаги ташвиш учун жавоб берадиган кортизол миқдорига ҳам таъсир кўрсатади. Шу туфайли биз тўйиб ухлаган бўлсак ҳам, чарчоқни ҳис қилишимиз мумкин. Бунинг олдини олиш учун олдиндан яхши нарсаларни режалаштиринг ва кейинги кунда кутиладиган ёқимли онларни тасаввур қилинг.

Эрталабки бадантарбия машқларини бажаринг

Эрталаб туриб, қувватга тўла эканлигингизни ҳис қилсангиз ҳам, бу ҳиссиётни қўллаб-қувватламасангиз, у кетиб қолиши мумкин. Бу вазиятда сизга бадантарбия ёрдамга келади. У кайфиятингизни яхшилаб, сизга кун давомида хаёл ва диққатни бир ерга жамлашда ёрдам беради. Ҳатто энг оддий машқлар ҳам, масалан, югуриш, шунга олиб келадики, мия қонга эндорфинлар ажралиши ҳақида сигнал беради, улар эса стресс, чарчоқ симптомларини, баъзан ҳатто, оғриқни ҳам бартараф этади.

Уйғонгандан сўнг дарҳол сув ичинг

Баъзи тадқиқотларга кўра, эрталабдан ичилган бир пиёла сув метаболизмни тезлаштиради, натижада сиз тезроқ уйғонасиз ва шу заҳотиёқ тетикликни ҳис қиласиз. Иссиқ ичимликларга келадиган бўлсак, қаҳвани ҳар куни ҳам ичмасликка ҳаракат қилинг. У сезги органлари ишини тезлаштиради, аммо вақт ўтиши билан танамиз кофеинга кўникиб қолади ва исталган натижага эришиш тобора қийинлашиб бораверади. Қаҳвани баъзида, ўзингизни жуда чарчаган ҳис қилганингизда ичинг, бошқа кунлари унинг ўрнини мева ва чой билан босинг.

Тавсия этамиз






Тавсия этамиз

Ҳар доим хабардор бўлинг!

carzone.uz мобил иловаларини кўчириб олинг ва барча янгиликлар сиз билан