Ўзбекистон разведкачилари халқаро армия ўйинларида иккинчи ўринда бормоқда

01.08.2017 | Ўзбекистон | 3207

Россия да бўлиб ўтаётган "АрМИ-2017" халқаро армия ўйинларида, олти мамлакат жамоалари орасида Ўзбекистон разведкачилари иккинчи ўринда кетмоқда, деб хабар қилмоқда РИА Новости, мусобақанинг бош ҳаками Владимир Марусинга асосан.

Мусобақанинг биринчи босқичи топшириғи қуйидагилардан иборат эди: ҳарбийлар Ми-8 вертолётидан ўрмон ичига десант қилиниб, асбобларсиз керакли йўналишни аниқлаши керак ва 15 км масофага марш-бросок қилиб (тез юриб) етиб олишлари керак эди.

Ўзбекистон жамоасининг раҳбари полковник Шуҳрат Икромов айтишига қараганда, ҳарбийларга белгиланган топшириқни бажаришдан ташқари, Ўзбекистон табиатига ўхшамаган, Сибирь ўрмонлари шароитига кўникиш қийин бўлган.

"АрМИ-2017" халқаро ўйинлари доирасида бўлиб ўтаётган "Аълочи разведкачилар" беллашувида Ўзбекистон ҳарбийлар  жамоаси Арманистон, Белоруссия, Зимбабве, Қозоғистон, Хитой ва Россия жамолари билан беллашмоқда.