КХДР БМТ Хавфсизлик Кенгашининг янги санкцияларини кескин қоралаб чиқди
7.08.2017 19:05,
1
КХДР БМТ Хавфсизлик кенгашининг унга нисбатан қўллаган янги санкцияларини мамлакат суверенитетининг бузилиши деб атади, дея хабар берди «Рёнхап» Шимолий Корея ҳукумати баёнотига асосан.
Баёнотда айтилишича, Пхеньян АҚШ КХДРга нисбатан душманлик сиёсатини тўхтатмагунча ўзининг ядро қуроли бўйича музокараларни бошламайди.
БМТ Хавфсизлик кенгаши 5 августда бир овоздан КХДРга нисбатан санкцияларни қаттиқлаштирувчи резолюцияни қабул қилди. Резолюция КХДРдан бир қатор маҳсулотларни экспорт қилишга чеклов киритишни назарда тутган.