Миср жиноий ишлар бўйича суди 2013 йилнинг августида Қоҳиранинг жанубидаги полиция участкасига ҳужумда айбланганларнинг 12 нафарига душанба куни ўлим жазосини белгилади. Бу ҳақда “Ал-Аҳрам” нашри ёзмоқда.
Бу иш юзасидан 140 нафар киши умрбод қамоқ жазосига ҳукм этилган.
Суднинг қарори якунийдир. Уни мамлакатнинг олий муфтийси маъқуллаган. Миср маҳаллий қонунчилигида ўлим жазоси тайинлаш олий муфтий билан келишилади.
Тергов маълумотларига кўра, ҳукм ўқилганларнинг бари мамлакатда тақиқланган “Мусулмон биродарлар” ҳаракатининг аъзосидир. Уларнинг ҳаммаси 2013 йилнинг августидаги воқеаларда иштирок этган. Унда исломийлар ва куч ишлатар ходимлар ўртасида тўқнашув юз бериб, бир полиция офицери ҳалок бўлганди.