Россия Қишлоқ хўжалиги вазири Александр Ткачев Туркиянинг помидорларини импорт қилишга тайёр эмаслигини “Россия 24” телеканали орқали айтиб ўтган эди. Вазир бунга маҳаллий ишлаб чиқарувчиларни рағбатлантириш қарорини важ қилиб кўрсатган.
Туркиянинг Hurriyet газетаси ёзишига қараганда, Россия томони помидор олмаслигига қарши турклар чора кўриши мумкин.
Туркия Иқтисодиёт вазири Ниҳот Зайбекчи “Россия томонидан кўрсатилаётган босим туфайли биз жавоб чораларини кўришга мажбур бўламиз”, деган.
Россия узоқ вақтдан бери Туркиядан помидор импорт қилиб келади. Туркия помидор экспортининг қарийб 65 фоизи Россияга тўғри келади.