"Ўзбекистон почтаси" бўлимларида "ЎзПайнет" хизмати йўлга қўйилади, деб хабар берди ташкилот матбуот хизмати.

Хабар қилинишича, "Ўзбекистон почтаси" АЖ ва "ЎзПайнет" МЧЖ ўртасида жисмоний шахслардан почта алоқаси объектларида "ЎзПайнет" дастурий-аппарат комплекси орқали тўловларни қабул қилиш бўйича келишув имзоланди.

Унга кўра, почта алоқаси объектлари орқали жисмоний шахслардан "ЎзПайнет" дастурий-аппарат комплексида мавжуд бўлган барча хизматлар учун тўловлар қабул қилинади ва ушбу тизимни жамиятнинг барча компьютерлаштирилган алоқа бўлимларида жорий этиш бўйича ишлар олиб борилмоқда.