Евроиттифоқ кенгаши КХДРга қарши санкциялар рўйхатига тўққиз жисмоний ва тўрт юридик шахсни киритди. Бу ҳақда кенгаш хабарида айтилади.
Рўйхат тилга олинган шахсларнинг активлари музлатиб қўйилишини белгилайди ҳамда уларнинг Евроиттифоқ мамлакатларига киришини тақиқлайди.
Санкцион рўйхатнинг кенгайтирилиши БМТ Хавфсизлик Кенгаши томонидан 5 август куни қабул қилинган резолюция ижроси доирасида амалга оширилди.
Ушбу резолюцияга кўра, КХДРдан темир, темир рудаси, кўмир ва денгиз маҳсулотлари экспортини тақиқлайди.
Шу тариқа, кенгайтирилган санкцион рўйхатда айни пайтда БМТ рўйхатларида кўрсатилган 62 жисмоний шахс ва 50 ташкилот, шунингдек, Евроиттифоқ томонидан мустақил равишда киритилган 41 жисмоний шахс ва етти ташкилот бор.
Аввалроқ Пхеньянда БМТ санкцияларининг кучайтирилишига қарши катта митинг бўлиб ўтгани хабар берилганди.