Бутунжаҳон таэквондо федерацияси президенти Тошкент шаҳри фахрий фуқаросига айланди
11.08.2017 11:12,
6
Тошкент шаҳар ҳокимлигида Бутунжаҳон таэквондо федерацияси президенти Чо Чунг Вонга Тошкент шаҳри фахрий фуқароси ва Мирзо Улуғбек номидаги Ўзбекистон Миллий университети фахрий фан доктори унвонларини топширишга бағишланган тадбир бўлиб ўтди. Бу ҳақда UZ24 ёзмоқда.
Ўзбекистон Бош вазири А.Арипов Чо Чунг Вонга Тошкент шаҳри фахрий фуқароси ва Мирзо Улуғбек номидаги Ўзбекистон Миллий университети фахрий фан доктори унвонларини топширди.
– Бугун тинчлик шаҳри – Тошкентнинг фахрий фуқароси бўлиш, Ўзбекистоннинг нуфузли олий таълим муассасаси фахрий фан доктори унвонига муносиб кўрилишим мен учун фахрли воқеа бўлди, – деди Чо Чунг Вон. – Бундай юксак эътибор менга янада куч-ғайрат бағишлайди.