Шимолий Корея асосий элчиларини Пхеньяндаги фавқулодда мажлисга чақирди
14.08.2017 11:44,
11
КХДРнинг муҳим давлатлардаги элчилари Пхеньянга қўшма мажлисга чақирилди. Бу мамлакатга халқаро босимнинг ортиб бориши фонида юз берди, деб хабар қилмоқда «Рёнхап».
«Айни пайтда Шимолий Корея асосий давлатлардаги элчиларини Пхеньянга чақирди, дипломатик таркиб учун мажлис ўтказилиши тахмин қилинмоқда», — дея маълум қилди «Рёнхап» Жанубий Корея ҳукуматидаги манбасига таяниб.
Пхеньянга қайтиб келган дипломатлар орасида КХДРнинг Хитойдаги элчиси Ли Чже Рён, Россиядаги элчиси Ким Хён Чжун ва Шимолий Кореянинг БМТдаги доимий вакили Ча Сон Нам бор.