Валюта курси: Ўз.Р.Марказий банки
USD
АҚШ доллари
EUR
Eвро
RUB
Россия рубли
Sayt test rejimida ishlayapti!!!

Сўнгги янгиликлар






Ангела Меркел қочқинларга Германиядан бошпана берганидан афсусланмайди
28.08.2017 16:32,  
12

Германия канцлери Ангела Меркел икки йил олдин муҳожирлар борасида хатога йўл қўймаганини эътироф этди, дея хабар бермоқда Reuters​ агентлиги.

Якшанба куни Welt am Sonntag​ газетасига интервью берган канцлер хоним Сурия ва ироқдан келган юз минглаб муҳожирларга эшикларни очиб бериб тўғри қилганини таъкидлаган. Ангела Меркелнинг «очиқ эшиклар» сиёсати туфайли охирги икки йилда бир миллион муҳожир Германияда қўним топган.

«2015 йилнинг энг муҳим қарорларини худди ўша тарзда қайта қабул қилган бўлардим. Ўшанда фавқулодда вазият эди ва мен сиёсий ва инсонпарварлик нуқтайи назардан тўғри деб ўйлаган фикрга асосланиб қарор қабул қилганман. Бу каби фавқулодда ҳолатлар мамлакат тарихида вақт-вақти билан содир бўлади. Ҳукумат раҳбари мен каби йўл тутиши керак», – деб айтган Германия канцлери.

Ангела Меркел муҳожирларни қабул қилиш сиёсати туфайли мухолифатнинг кескин норозилигига сабаб бўлган эди. Унинг даврида Германия Сурия ва Ироқ қочқинларини қабул қилиш бўйича Туркиядан кейинги иккинчи ўринга чиқди. «Очиқ эшиклар» сиёсати мамлакат аҳолиси ўртасида Меркелнинг консервативлар партияси обрўси тушишига олиб келди.

Жумладан, 2013 йилги парламент сайловларида унинг партияси 41,5 фоиз овоз тўплаган бўлса, шу йилнинг февраль ойидаги сўровномалар 32 фоиз кўрсаткични ташкил қилган. Германияда 24 сентябр куни навбатдаги сайловлар ўтказилиши режалаштирилган. Эмнид сўровномалари бир ойдан кейин бўладиган сайловда Меркел 38 фоиз овоз олишини тахмин қилган.

Айни пайтда 63 ёшли Ангела Меркел кетма-кет тўртинчи муддатга ҳукуматни бошқармоқда. Меркел ҳукуматига қарши норозилик айниқса у туғилиб ўсган Шарқий Германияда анча кучли. Аммо федерал канцлер ўзининг қарашлари ва сиёсатидан воз кечмаслигини маълум қилган.

Сўнгги бир йил ичида Германияга келаётган муҳожирлар оқими камайган. 2016 йилда мамлакатга 280 минг қочқин келган бўлса, жорий йилнинг дасталбки 7 ойи давомида бу кўрсаткич 106 минг нафарни ташкил этган.

Тавсия этамиз






Тавсия этамиз

Ҳар доим хабардор бўлинг!

carzone.uz мобил иловаларини кўчириб олинг ва барча янгиликлар сиз билан