Ижтимоий тармоқларда яқинда мукофотланганлар қаторида шоира Фарида Бўтаевани ҳам табриклаш давом этмоқда. Биз ҳам Фарида Афрўзни самимий табриклаймиз.
Аммо, айрим табриклаётганлар Фаридахонни академик шоирамиз, деб алқаётганларини ўқиб таажжубланаман. Масалан мана бундай табрик: Академик шоирамиз Мустакиллигимизнинг 26 йиллиги муносабати билан Президентимизнинг фармонлари биноан "ДУСТЛИК" ордени билан мукофатландилар! Бу юксак Ватан мукофати билан чин калбдан табриклайман!
Афсуски, бундай сўзларни ёзаётганлар, яъни Фаридахонни БМТ, ЮНЕСКО кошидаги “Антик Дунё илмий Академиясининг” академиги, доктори, професори деб ёзаётганлари куракда турадиган гап эмас.
Мен бу масалани бир неча йил аввал ўрганган эдим. Сафсатабозлик фанлари доктори Нарзулла Жўраев, ТВда сиёсий шарҳловчилик қилган Турсун Қоратоев, Қобилбек Каримбеков, яна бир неча ТВ дикторлари, зоологлару табиблар ва пойтахтдаги, вилоятдаги олий ўқув юртларидаги жуда кўплаб фан докторлари, туману вилоят матбуотидаги ҳеч ким танимас журналистлар ўзларини Антик Дунё илмий Академияси академиги деб таништира бошлаган пайтдаёқ бу одамларнинг Антик давр тарихига нима алоқаси бор,деб ўйлаб, бу академия ўзи нима экан деб ўрганган эдим. Ўрганиб бу академия рус матбуотида ёзилганидек "липовая академия" эканини билган эдим. Афсуски, ўша пайтда бу ҳақда қисқа бўлсада ахбарот ёзишим керак экан.
Хўш, айтинг, ажойиб шоира бўлмиш Фаридахон қандай илмий хизматлари учун Халқаро илмий академия академиги этиб сайланган, унинг яхшигина шеърий ижоди Антик давр тарихига нима дахли бор, унинг бирон шеърида Антик даврга оид бирон бир мисра борми? деган саволга жавоб топиб кўрингчи.
Юқорида Ўзбекистон ТВсидаги бир неча сиёсий шарҳловчилару дикторлар (уларнинг орасида бизнинг даврага аъзо одамлар ҳам бор) кўп дедим, аслида бу сохта академияга ёллаш айни шу "Ахборот" диктори бўлмиш бир зотдан бошланганини айтиб ўтишим керак. Орада дуппа дуруст олимлар ҳам бу сохта академия номига учиб унинг дипломларини сотиб олишни бошлашди. Ҳатто ўзбек матбуоти гап тагини суриштирмай ҳар сафар сохта диплом олишларни ўзбек маданияти, илму фанининг жаҳон тамонидан эътироф этилиши сифатида ёритиб борди.
Аслида Антик Дунё илмий Академияси сохта академия бўлиб, у ҳеч қачон БМТ ёки ЮНЕСКО қошида бўлмаган. Уни бир неча аферист кимсалар ташкил этиб, яхшигина пул эвазига сотиб олинадиган, бир тийинлик қиммати йўқ ва ҳеч қаерда тан олинмайдиган бир қоғоз, автобусда пул тўлаб сотиб олинадиган чиптага ўхшаган дипломни пуллаш билан овора. Бу сохта академиянинг энг кўп академиги Ўзбекистонда. Уларнинг сони яқин орада ҳақиқий ўзбек академиклари сонидан ошиб қолса керак. Буларнинг қаторига Россиядаги сохта академияларга аъзо бўлганларни қўшсангиз ортиб кетгани ҳам бўлиши мумкин.
Антик Дунё илмий Академиясини интернетдан қидирсангиз изини тополмайсиз. Мабодо БМТёки ЮНЕСКО қошида бўлганида у ўша халқаро ташкилотлар таркибидаги ёки қошидаги ташкилотлар рўйхатида бўларди ва уни дарров топа олардингиз.
Энг қизиғи, украиналик ҳақиқий академик Борис Житнигор ёзишича, бундай халқаро академиялар ўз фаолиятини асосан постсовет ҳудудида олиб боришни маъқул кўради. Чунки, халқаро аферистлар ҳар қанча пул тўлаб бўлсаям сохта академику профессор ёки доктору лауреат бўлишга, каттакон муҳри бор қоғозларни сотиб олишга тайёр одамлар бу ҳудудда кўп эканини олдиндан ўрганиб билиб олишган. Борис Житнигор шундай ёзади: Докторские (PhD-Grand PhD) и прочие «титульные» научные проекты «завозимые» к нам, часто, к сожалению, изначально ориентированы на наживу, основывающуюся на тяготении «нашего человека» к приобретению всякого рода регалий без реальных заслуг и усилий. То есть, такие проекты, чаще всего, организуются «нашими учредителями», но инициируются из-за рубежа и реализуются только на постсоветском пространстве, где есть платежеспособный спрос на «пустые» регалии; "магазины дипломов"-фабрики дипломов
Худди шундай сохта академиялардан яна бири Нью Йорк академиясидир. Унинг ҳам аъзолари Ўзбекистонда анчагина. Ўзбек матбуотида тантавор оҳангда "Фалончи Фалончиев Нью Йорк академияси академиги этиб сайланди" деган ахбаротларни кўплаб учратиш мумкин. Бу академия ҳақида интернетда шундай маълумот берилади: "Стать членом академии может любой желающий при условии оплаты членского взноса. Согласно информации на официальном сайте организации, сумма вступительного взноса для индивидуальных членов (англ. individual membership) за один год составляет $108 для жителей США, и $129 для остальных; два года — $196 и $232, три года — $273 и $324 соответственно (для студентов и аспирантов взносы существенно ниже).
Данная академия приобрела известность в качестве одной из академий, фактически торгующих дипломами".
Ҳозирча тарихимизда 2 та академик шоир бор: Булар Ойбек билан Ғафур Ғулом.
Сохта академикларни кўпини айблолмайман, уларни кимлардир, аниқроғи, олдинроқ "академик" бўлганлар лақиллатганини ва бу хизмат учун ўша аферистлар томонидан "мукофотланганлари"ни ҳам биламан.
Ўзбекистон Халқ шоири Хуршид Давроннинг Facebook саҳифасидан