Ўзбекистон павильони Қозоғистон пойтахти Остона шаҳрида бўлиб ўтган Экспо-2017 кўргазмасида энг кўп ташриф буюрилган павильонлар орасида 7-ўринни олди. Бу ҳақда "Казинформ" хабар бермоқда.

21 августдан 27 августга қадар Экспо-2017 халқаро ихтисослаштирилган кўргазмасига 347 130 киши, яъни кунига ўртача 49 590 нафар одам ташриф буюрган.

10 июндан 27 августга қадар кўргазмага жами 3 126 950 киши ташриф буюрган. Кўргазманинг барча объектларига умумий ташрифлар сони — 25 372 692 бўлиб, хусусан, халқаро павильонларга — 22 334 701 марта, кўргазма объектларига — 3 037 991 марта ташриф буюрилган.

Энг кўп ташриф буюрилган халқаро павильонлар ўнталигида дастлабки учликни Миср, Африка плазаси, Туркия эгаллади. Таиланд 4-ўринда, Озарбайжон 5-ўринда ва Ҳиндистон 6-ўринда қайд этилган. Ўзбекистондан кейинги ўринларда Россия, Япония ва Саудия Арабистони қироллиги жойлашган.

Эслатиб ўтамиз, Эскпо — 2017 халқаро кўргазмаси шу йилнинг 10 июнида очилган бўлиб, 10 сентябрга қадар давом этади.