Валюта курси: Ўз.Р.Марказий банки
USD
АҚШ доллари
EUR
Eвро
RUB
Россия рубли
Sayt test rejimida ishlayapti!!!

Сўнгги янгиликлар






Ҳиндистонлик руҳоний муридларини зўрлагани учун 20 йилга озодликдан маҳрум этилди
30.08.2017 14:25,  
6

Гурмит Сингҳ сўнгги бир ҳафта давомида Ҳиндистон жамоатчилигининг диққат марказида турган эди. Ҳиндуийлик секталаридан бирининг раҳбари ҳисобланган Сингҳ икки аёлнинг номусига тегишда айбдор деб топилган ва иккита ўн йиллик муддатга озодликдан маҳрум қилиш жазоси тайинланган. Бу ҳақида  Al Jazeera​ телеканали хабар бермоқда.

50 ёшли руҳонийнинг ҳибсга олиниши унинг тарафдорлари кўпчиликни ташкил қиладиган Роҳтак шаҳрида тартибсизликларга сабаб бўлган. Ўтган ҳафтанинг жума куни Ҳаряна штатидан Сингҳнинг тарафдорларидан иборат оломон кўчаларга чиққан ва хавфсизлик кучлари билан тўқнашувлар юз берган.

Руҳонийни озод қилиш талаб қилинган намойишларда ҳозирга қадар 30 киши ҳалок бўлган ва юзлаб одамлар жароҳат олган. Руҳонийнинг Дера Сача Сауда диний сектаси вакили Випассана Инсан унинг муридларини суднинг ҳукмини ҳурмат қилишга ва тинчланишга чақирган.

Суд тинглови вақтида руҳоний ўзига қўйилган айбловларни рад этгани айтилмоқда. Айбланувчининг адвокати АК Пантҳ суд ҳукми устидан аппеллаяция берилишини маълум қилган. Жабрланувчилар вакили Утсав Сингҳ Баинс эса суд ҳукмидан қониқмагани айтаркан, руҳонийга оғирроқ жазо белгиланишини сўраган.

Адвокатнинг айтишича, Сингҳнинг тажовузидан жабрланганлар сони камида 48 кишини ташкил қилади. Ҳуқуқшунос федерал қидирув бюросидан қолган жиноятларни тафтиш қилишни талаб қилган. Унинг иддаосича, гувоҳлар ва жабрдийдалар ўлдирилган ёки қўрқитилган бўлиши мумкин.

Жинсий тажовуз руҳонийга қўйилган ягона айблов эмас. Гурмит Сингҳга нисбатан яна иккита жиноий иши бўйича тергов давом этмоқда. Улардан бири журналистнинг ўлими билан боғлиқ, иккинчиси ўз тарафдорларини худога яқинроқ бўлишлари учун бичилишга Ҳиндистонлик руҳоний муридларини зўрлагани учун 20 йилга озодликдан маҳрум этилди

Тавсия этамиз






Тавсия этамиз

Ҳар доим хабардор бўлинг!

carzone.uz мобил иловаларини кўчириб олинг ва барча янгиликлар сиз билан