Ўзбекистон ва Буюк Британия сайёҳлар учун виза бериш тартибини соддалаштириш масаласини муҳокама қилдилар, деб хабар қилмоқда туризмни ривожлантириш давлат қўмитаси матбуот-хизмати.
Хабарда айтилишича, Туризмни ривожлантириш қўмитаси, Лондондаги Ўзбекистон элчихонаси ходимлари ва сайёҳлик компания вакиллари иштирокида ўтказилган видео учрашувда икки давлат сайёҳларига виза бериш тартибини янада соддалаштириш масалалари кўриб чиқилди.
Шунингдек, томонлар сайёҳлик соҳасида кадрларни ўқитиш, Ўзбекистондаги барча сайёҳлик объекларида пул банкоматларини ўрнатиш, инглиз ОАВларида Ўзбекистоннинг сайёҳлик соҳасидаги имкониятларини тарғиб қилиш ишларини янада жадаллаштириш бўйича вазифаларни белгилаб олганлар.