"Ё Кореяни ютиб ғалаба қозонишимиз ёки футбол ўйнашни йиғиштириб қўйишимиз керак. Мухлислар олдида қарзимиз бор, шуни узишга ҳаракат қиламиз", - деди Ўзбекистон термаси сардори Одил Аҳмедов Хитойга қарши учрашувидан сўнг берган интервьюсида.
Ўйин қийин кечди. Учрашувда бир неча қулай вазиятларга эга бўлганимизга қарамай, мағлуб бўлдик. Чунки кўплаб имкониятларни кўкка совурдик. Шундай бўлгач, биз урмаганимиздан кейин, бизга гол уришади-да.
Сўнгги беллашувда бизни фақат ғалаба қаноатлантиради. Ё Кореяни ютиб ғалаба қозонишимиз ёки футбол ўйнашни йиғиштириб қўйишимиз керак. Мухлислар олдида қарзимиз бор, шуни узишга ҳаракат қиламиз, - Аҳмедовнинг сўзларини келтиради "Дарё".
Ўзбекистон миллий терма жамоаси ЖЧ—2018 саралашидаги сўнгги учрашувни 5 сентябрь куни Тошкентда Жанубий Кореяга қарши ўтказади.