АҚШга қарашли денгиз пиёдалари корпуси зирҳли техникалари билан бирга Грузиядаги Поти бандаргоҳига кириб келди. Америкаликлар ва грузияликлар биргаликда Agile Spirit 2017 (“Дадил кайфият 2017”) машғулотларини ўтказади. Машғулотлар 3 сентябрдан 11 сентябргача бўлиб ўтади.
Грузияга Abrams танклари, LAV жанговар зирҳли машиналари ва бошқа ҳарбий техника етиб борган.
Грузия Мудофаа вазирлиги машғулотлар икки ҳамкор давлатнинг ўзаро муносабатларини мустаҳкамлаши ҳақида айтиб ўтди. Бундан ташқари, Грузиядаги ҳарбий машғулотларда Болгария, Латвия, Руминия ва Украина ҳарбийлари ҳам иштирок этиши кўзда тутилган.