Валюта курси: Ўз.Р.Марказий банки
USD
АҚШ доллари
EUR
Eвро
RUB
Россия рубли
Sayt test rejimida ishlayapti!!!

Сўнгги янгиликлар






Покистон: собиқ президент собиқ бош вазирни ўлдиришда гумон қилинмоқда
6.09.2017 09:19,  
24

Покистон Ислом Республикасининг собиқ президенти Парвез Мушарраф Дубайдаги сиёсий қочқинликдан ўз ватанига қайтишини эълон қилди, дея хабар бермоқда Al Jazeera​ телеканали.

Парвез Мушарраф мамлакатнинг собиқ бош вазири Беназир Бҳуттонинг ўлимида айбланмоқда. Якшанба куни Равалпинди терроризмга қарши кураш суди собиқ президентни Покистоннинг биринчи аёл бош вазирига суиқасд қилишда айблаган. Шундан сўнг, БААда истиқомат қилаётган Парвез Мушарраф ўзига қўйилган айбловларни рад этувчи баёнот эълон қилган ва суднинг «сохта айблови» туфайли Покистонга қайтишини маълум қилган.

“Албатта, мен соғлиғим яхшиланганда Покистонга қайтаман. Мени Беназир Бҳуттонинг ўлимида айблаб, сиёсий қурбонга айлантиришмоқчи. Унинг бевақт ва фожиали ўлими билан ҳеч қандай алоқам йўқ”, деб айтган Покистон собиқ президенти.

Покистон суди Парвез Мушаррафни яшириниб юришда айблаган ва унинг мол-мулкини мусодара қилишга ҳукм чиқарган. Беназир Бҳутто 2008 йилги парламент сайлови арафасида қотиллик қубони бўлган эди. Мамлакатнинг ўша вақтдаги президенти Парвез Мушарраф эса сайлов арафасида сиёсий мухолифатни йўқ қилишда айбланган.

Парвез Мушарраф ўзига қарши айбловларни рад этган ва суиқасд учун жавобгарликни Толибон раҳбари Байтуллоҳ Мақсудга юклаган. 2010 йилда БМТ эълон қилган ҳисоботда Мушарраф ҳукумати собиқ бош вазирни етарлича ҳимоя билан таъминламагани ва унинг ҳаётини сақлаб қолиш имкони мавжуд бўлгани қайд этилган.

Маълумот учун Покистон Халқ партияси етакчиси Беназир Бҳутто 1988-1990 ва 1993-1996 йилларда ҳукуматни бошқарган. 2007 йилнинг 27 декабрь куни сайловчилар билан учрашувдан қайтаётган собиқ бош вазирга суиқасд амалга оширилган. Номаълум киши Бҳуттога тўппончадан ўқ узган, сўнгра ўзини портлатиб юборган. 18 февраль куни бўлиб ўтган сайловда Бҳуттонинг Халқ партияси ғалаба қозонган ва ҳокимиятни эгаллаган, президент Парвез Мушарраф эса импичмент орқали лавозимидан четлаштирилган.

Тавсия этамиз






Тавсия этамиз

Ҳар доим хабардор бўлинг!

carzone.uz мобил иловаларини кўчириб олинг ва барча янгиликлар сиз билан