Қирғизистон Республикаси Иссиқ-Кўл ИИБ матбуот-хизмати катта таезликда келаётган автомобил трассадан чиқиб кетиб, ағдарилганлиги ва ёниб кетгани ҳақида хабар қилди.
8 сентябр, жума куни Балиқчи-Қоракўл трассасининг 112-километрида Lexus RX-300 йўл четига чиқиб кетиб, бир неча бор ағдарилган ва ёниб кетган. Ҳайдовчи ва уч нафар фуқаро тириклай ёнган ва ҳодиса жойида вафот этган.
"Машина ёнидан автомобил эҳтиёт қисмлари ва ҳалок бўлганларга тегишли нарсалар топилган. Шунингдек, багаждан тушиб қолган икки қоп наша ҳам аниқланган", — деб хабар қилган ИИБ матбуот-хизмати.
Айни вақтда ЙТҲ сабаблари ўрганилмоқда. Ҳодиса юз берган жойда ҳеч қандай ҳужжат топилмаган. Фақатгина бир дона SIM-карта топилган. Ҳуқуқ-тартибот органлари сим-карта ёрдамида ҳалок бўлганларга тегишли маълумотларга аниқлик киритишга уринадилар.