БМТ жамғармаси мянмалик қочқинларга ёрдам бериш мақсадида 7 миллион доллар ажратади
8.09.2017 18:53,
4
БМТ бош котибининг инсонпарварлик ёрдами масалалари бўйича ўринбосари Марк Лоукок Марказий жамғарма (CERF) ҳисобидан мянмалик қочқинларга 7 миллион доллар ажратилишини маълум қилди.
"CERF — бу қаерда ва қачон зарур бўлишидан қатъий назар одамларга кўмак беришнинг энг тезкор усулидир", — деди Лоукок.
Лоукок сўзларига кўра, жамғарма қўшимча бошпаналар ва озиқ-овқат етказиб беради, шунингдек, оғир ҳолатдаги кишиларга тиббий ёрдам кўрсатади.
Шу билан бирга, мянмалик қочқинларнинг хавфсизлигини кафолатлаш ва уларга гуманитар ёрдамларнинг узлуксиз етказилишини таъминлашга чақирди.
Дастлабки ҳисоб китобларга кўра, Бангладешга 146 мингдан 300 мингача кишилар қочишган.