Ўзбекистон футбол федерациясига янги президент сайланди
12.09.2017 11:07,
8
Айни дамда Тошкентдаги "Radisson BLU" меҳмонхонасида Ўзбекистон футбол федерацияси низомига мувофиқ ҳисобот-сайлов конференцияси ўтказилмоқда. Унда Олий лига клуб вакиллари, мураббийлар, раҳбарият, вилоят федерациялари ва ОАВ ходимлари иштирок этмоқда.
ЎФФ бош котиби Сардор Раҳматуллаев тадбирни очиб берди. Тадбирга ФИФА ва ОФКдан ҳам вакиллар келишгани қайд этилди. Шунингдек, сайлов конференциясида 80 нафар делегат бўлиши лозим, лекин 76 нафар делегат қатнашди, 4 нафар делегат сабабли кела олмади.
Тадбир давомида клуб вакиллари ва мураббийлар маъруза қилишди. Ниҳоят ЎФФ президенти учун ягона номзод сифатида Умид Аҳмаджонов эълон қилинди ва бу барча делегатлар томонидан маъқулланди.
Умид Аҳмаджонов ЎФФ президенти этиб сайланди.