Бугун Ўзбекистон Футбол Федерациясининг ҳисобот-сайлов конференциясида бир овоздан федерация президенти этиб сайланган Умид Ахмаджонов ўзбек футболини юқорига кўтаришга ҳаракат қилишга ваъда берди.
“Ишончингиз учун миннатдорчилик билдираман. Худо хоҳласа кейинги халқаро мусобақаларда ва Олимпия ўйинларида биргаликда, маслаҳатлашган ҳолда, ўзбек футболини кўтаришга ваъда бераман. Бундан буён муҳтарам Президентимиз Шавкат Миромонович Мирзиёев ва халқимизни хурсанд қилиб, футболимизни биргаликда кўтарамиз деган умиддаман”, – деди ЎФФнинг янги президенти.