Firedrop стартапи сунъий интеллект (АИ) ёрдамида 60 сония ичида веб-сайт тайёрлаб беради. Бу ҳақда Likeit.uz сайти хабар бермоқда.
Бунинг учун сайтингизда кўришни истаган маълумотларни Firedrop'га жўнатасиз ва у замонавий дизайндаги веб-сайтни тайёрлаб беради.
Агар у қилган сайт сизга ёқмаса, айрим жойларини ўзгартиришини сўрайсиз ва якуний иш маъқул келгач, уни юклаб оласиз.
Сиз ҳам сунъий интеллект ёрдамида веб-сайт тайёрлашни истасангиз, Фиредроп сайтига ташриф буюриб, навбатга ёзилиб қўйишингиз керак.
Стартап сайти тўлиқ ишга тушгач, ундан биринчилардан фойдаланиш учун сизга рухсат берилади.