Тижорат банкларида жиноий фаолиятдан олинган даромадларни легаллаштиришга ва терроризмни молиялаштиришга қарши курашиш бўйича ички назорат қоидаларигаўзгартиришлар киритилди (2017 йил 5 сентябрь). Бу ҳақда Norma хабар бермоқда.
Тузатишларга мувофиқ, банклар мижозларни тегишли текширувдан ўтказишга мажбур бўладиган бир марталик банк операциялари ҳажми оширилди. Энди:
- жисмоний шахслар томонидан нақд хорижий валюта сотилганда;
- жисмоний шахслар томонидан нақд хорижий валюта майдаланганда, алмаштирилганда ва (ёки) бошқа хорижий валютага айирбошланганда (конверсия);
- мижозлардан нақд хорижий валюта инкассога ёки экспертиза учун олинганда
энг кам ойлик иш ҳақининг 500 баробари (бунгача 100 баробари)га тенг ёки ундан ошадиган сумма тегишли текширув учун асос бўлади.