Исроиллик фермерлар кам суғориш йўли билан сифатли помидор етиштириш усулини синовдан ўтказишяпти. Янги ишланма анъанавий навлар культивациясида талаб этиладиган сувни 90 фоизга тежаш имконини беради.
Мутахассисларнинг таъкидлашича, лойиҳанинг афзаллиги унинг жазирама иссиққа ва қурғоқчиликка чидамлилигида. Ҳозир тажриба майдончасида 200 турдаги 40 мингта кўчат синовдан ўтказиляпти. Мавсум бошида 3 ҳафта давомида суғорилган экинлар ёз охирига қадар бирон марта ҳам сув ичгани йўқ.
Лабораторияда ҳар йили 700 га яқин нав синаб кўрилиб,энг самарали деб топилганларининг уруғи кўпайтирилади. Шунингдек, зараркунанда ҳашоратлар ва хар-хил касалликларга чидамли турларни етиштириш бўйича хам илмий тажрибалар ўтказилмоқда. Айни йўналишдаги тадқиқотлар устида Европалик олимлар ҳам изланишлар олиб боришяпти.