БМТ биносида Регистон майдони макети ўрнатилди
20.09.2017 11:33,
22
Бирлашган Миллатлар Ташкилотига Ўзбекистон Республикасининг туҳфаси — Регистон майдонининг макети топширилди, дея хабар қилди ЎзА. Шу муносабат билан ўтказилган маросимда Президентимиз Шавкат Мирзиёев иштирок этди ва нутқ сўзлади.
Регистон Самарқанд шаҳрининг бетакрор рамзига айланган. Мажмуа 2001 йилда ЮНЕСКОнинг Жаҳон мероси рўйхатига киритилган. Регистон макети Ўзбекистон уста ҳунармандлари томонидан ясалган бўлиб, қимматбаҳо металл ва гўзал миллий нақшлар билан безатилган.
Экспонат БМТ штаб-квартирасининг энг гавжум жойларидан бирига, БМТ Хавфсизлик кенгаши ва Бош Ассамблея заллари ўртасидаги фойега ўрнатилди.
БМТ Бош котиби ўринбосари Жен Бигл шундай гўзал ва теран мазмунга эга туҳфа учун Президентимизга чуқур миннатдорлик билдирди.