Жорий йилнинг 20 сентябрь куни Қашқадарё вилоятининг Ғузор туманида фуқаро Р.П. ўз уйида газ ҳидини сезмасдан ошхонага кириб, гугурт ёққан вақтида хонага тўпланган газ ва ҳаво аралашмасининг чақнаши содир бўлди.

Натижада ёнғин чиқиб, ошхона олдида жойлашган 49 кв. метр майдонда сомонхонанинг том қисми ва ҳашак ёнган. Бу ҳақда ИИВ Ахборот хизмати хабар берди.

Чақнаш натижасида уй эгаси Р.П. ва унинг келини куйиш тан жароҳати олиб, шифохонага ётқизилганлар. Кўрсатилган тиббий муолажаларга қарамай, уй эгаси Р.П. шифохонада вафот этган. Хонага газ тўпланиб қолишининг сабаби, пропан газ баллонидан фойдаланиш қоидаларининг бузилиши.