Туркманистон пойтахти Ашхобод шаҳрида ўтказилган ёпиқ иншоотлардаги V Осиё ўйинлари якунланди, деб хабар беради "Ўзбекистон 24".
Ўзбекистон делегацияси мусобақа давомида 24 та олтин, 33 та кумуш ва 74 та бронза медалини қўлга киритди. Жами 131 та медаль жамғарган спортчиларимиз медаллар сони бўйича иккинчи, умумжамоа ҳисобида бешинчи ўринда қайд этилди.
Мезбонлар Туркманистон терма жамоаси 89 та олтин, 70 та кумуш, 86 та бронза умумий 245 та медалга эглик қилиб, умумий жадвалда пешқадам бўлди. Кейинги ўринларни Хитой, Эрон, Қозоғистон делегациялари банд этди.