АҚШ Корея ярим ороли яқинида стратегик қуролларини жойлаштиришни бошлайди

28.09.2017 | Жаҳон | 2486

Жанубий Кореядан маълум қилишларича, АҚШ ўзининг стратегик қуролларини Корея ярим оролида вақти-вақти билан ўзгариб турадиган тарзда жойлаштиришни бошлайди.

«Жойлаштириш бу йил охирида бошланади, бу бизнинг мудофаа қобилиятимизни кенгайтиришга ёрдам беради», - дея Жанубий Корея президенти ёрдамчисининг сўзларини келтиради Yonhap.

Олдинроқ Жанубий Корея раҳбарияти КХДРнинг навбатдаги ядро синовларидан сўнг мамлакатда АҚШнинг THAAD ракетага қарши мудофаа тизимлари жойлаштирилишини муқаррар чора деб атаганди.