Таиланд собиқ бош вазири Йинглак Чинават ўз мамлакатида беш йилга озодликдан маҳрум этилишга сиртдан ҳукм қилингач, Бирлашган Араб Амирликларининг Дубай шаҳрига қочиб кетди. Бу ҳақда бош вазир Прают Чан-Оча брифинг чоғида журналистларга маълум қилди, деб ёзмоқда Telegraph агентлиги.
Мамлакат Олий суди уни гуруч сотиб олиш учун ажратилган сармоя схемасини нотўғри ишлатганликда айблади, бу Таиландга камида 8 миллиард долларга тушган.
Олий суд судьялари Йинглак сохталаштирилган битимлардан хабардор бўлганлигини таъкидлашди, бироқ у уларни тўхтатиш учун ҳеч нарса қилмаган.
Август ойи охирларида ОАВ Таиланд собиқ бош вазири Сингапурга қочиб кетгани ҳақида хабар берганди.