26 сентябрь куни Учтепа тумани «Аёллар маслаҳат маркази»да отинойилар фаолиятини янада такомиллаштириш, уларнинг билимларини ошириб бориш мақсадида «Динимизнинг софлигини асрайлик!» мавзусида ўқув-семинари ташкил этилди, деб хабар беради Ўзбекистон мусулмонлари идораси Тошкент шаҳар вакиллиги ахборот хизмати.
Ўқув-семинари Тошкент шаҳрида фаолият юритаётган отинойилар билимларини оширди.
Тошкент шаҳар бош имом-хатиби ўринбосари Э.Рустамов Ўзбекистонда диний соҳада олиб борилаётган кенг ислоҳатлар ва бунда отинойиларнинг вазифалари тўғрисида гапириб, ҳозирги кунда иш тизимини йўлга қўйишдаги камчиликлар, аёлларга оид ижтимоий масалалар ечимини ҳал этишда отинойилар маъсулиятининг кенгайиши, бунда уларнинг билим салоҳиятларини ривожлантиришда амалга оширилиши зарур бўлган чора-тадбирлар тўғрисида алоҳида тўхталиб ўтди.