Оммабоп бўлган Telegram асосчиси Павел Дуров пайшанба куни, компания ўз сиёсатини давом эттиради, барча фойдаланувчилар эркин ва анонимлиги таъминланади деб, баёнот берди.
"Telegram эркинлик ва анонимлик ҳимоясида туради. Давлатлар қўяётган хар қандай чекловлар ҳеч нарсани ўзгартирмайди" , - деб, Дуров ўз каналида ёзди.
Бундан ташқари, мессенжер асосчиси Россия ва Эрон ҳукуматлари шунга ўхшаш иловалар ишлатишда ўз позицияларини ўзгартиришларига умид қилди.
"Аминманки, вақти келиб, Эрон ва Россия ҳам шундай вақт бўладики, биз ва бошқа IT-компаниялари ўзимизнинг офисларимизни очамиз. Ўша давргача фойдаланувчиларимизга аноним равишда хабарлар билан ўзаро алмашинишга имкон берган ҳолда, ҳурликни ҳурмат қиладиган мамлакатларда ишимиз давом эттирамиз", - таъкидлади Дуров.
Жорий ҳафтанинг сешанба куни Эрон прокуратураси Дуровга нисбатан жиноий иш қўзгатган эди. Прокуратуранинг таъкидлашича, мессенжердан болалар порнографияси ва "ИШИД" террористик гуруҳ маълумот алмашган.
Бундан ташқари, бир неча бор Роскомнадзор Telegram гуруҳи ва шахсан Павел Дуровга Россия қонунчилик талабларини қўйиб, мессенжер орқали тарқатилаётган маълумотларни очиқлашга чақирган эди.