Ғалати қилиқлари ва сўконғич тили билан танилган Филиппин президенти Родриго Дутерте ўзининг бадфеъл одатларидан воз кечишини эълон қилди, дея хабар бермоқда Reuters агентлиги.
Родриго Дутерте бу ҳақида пайшанба куни Америка-Филиппин урушидаги энг қонли жанглардан бирининг 116 йиллиги муносабати ўтказилган тадбирда қилган чиқиши чоғида гапирган. 1901 йилда Самар оролида содир бўлган тўқнашувда Америка қўшинлари исёнчилар томонидан ўлдирилган 48 аскарнинг хуни учун 39 нафар тинч аҳолини қатл қилган эди.
Филиппин 1946 йилда АҚШ мустамлакасидан озод бўлган. Икки мамлакат Филиппинда ҳокимият тепасига Родриго Дутерте келишидан олдин анча илиқ эди. 2016 йилда президентликка сайланган Дутерте АҚШ ҳукуматига қарши кескин танқидлари билан машҳур бўлди. АҚШ президенти Барак Обамани оғир сўзлар билан ҳақорат қилишлари уни дунё матбуотида шов-шувга айланди.
Ўтган йили Лаосдаги халқаро самит пайтида Дутерте Обамани қаттиқ ҳақорат қилиши АҚШ президенти билан режалаштирилган учрашув бекор қилинишига олиб келган эди. Дутертенинг сўкинишига Оқ уй раҳбари томонидан Филиппин раҳбарининг гиёҳванд моддаларга қарши шафқатсиз кураши кескин танқид қилиниши сабаб бўлган.
Пайшанба кунги чиқишида Родриго Дутерте кутилмаганда АҚШ ҳақида ижобий фикрлар билдирган. У Марави шаҳрида ИШИД исёнчиларига қарши курашда АҚШ ёрда