Валюта курси: Ўз.Р.Марказий банки
USD
АҚШ доллари
EUR
Eвро
RUB
Россия рубли
Sayt test rejimida ishlayapti!!!

Сўнгги янгиликлар






Саккиз марта ўлдирилган ИШИД раҳбари Абу Бакр Бағдодий яна «тирилди»
29.09.2017 16:39,  
11

ИШИДга қарашли Ал-Фурқон ахборот агентлиги гуруҳ етакчиси Абу Бакр Бағдодийга нисбат берилган аудиёзувни эълон қилган. Reuters​ агентлиги хабарига кўра, Бағдодийнинг янги нутқи пайшанба куни эълон қилинган.

46 дақиқадан иборат хутбада ИШИД раҳбари жангариларни ҳар бир қарич ер учун қаршилик кўрсатишга ундаган. Бағдодий ўз нутқида тарафдорларини ғалаба сари йўлда сабрли бўлишга чақиради.

Ҳозирча Бағдодий бу нутқни қачон ва қаерда қилгани аниқланмаган. ИШИД аъзолари хутба ёзиб олинган сана ҳақида ҳеч қандай маълумот бермаган. Таҳлилчилар бу нутқ яқин орада ёзилганини тахмин қилишмоқда. Боисис, Бағдодий ўз чиқишида Шимолий Кореянинг Япония ва АҚШга қилган таҳдидини эслатиб ўтган.

Бағдодийнинг жангариларга аудиомурожаати сўнгги 11 ой давомида биринчи марта эълон қилинмоқда. Охирги марта ИШИД раҳбарига алоқадорлиги айтилган нутқ ўтган йилнинг ноябрь ойида эълон қилган эди. Ўшанда жангарилар етакчиси ўз тарафдорларини Мўсулни ҳимоя қилишга руҳлантирган эди. Ироқнинг Мўсул шаҳрини ИШИДдан озод қилиш учун ҳарбий ҳаракатлар ўтган йилнинг октябр ойида бошланган ва шу йилнинг ёзида шаҳар тўлиқ ҳукумат назоратига ўтган эди.

Айни пайтда Абу Бакр Бағдодийнинг қаердалигига оид ҳеч қандай маълумот йўқ. Уни дастлаб Мўсулда яшрингани тахмин қилинган эди. Сўнгра Мўсулдан Раққага қочгани ҳақида хабар;ар тарқалди. Шу кунларда ИШИДнинг сўнгги йирик таянчи бўлган Раққа шаҳрини жангарилардан озод қилиш бўйича жанглар давом этмоқда.

Дунё матбуотида ИШИД раҳбари ўлдирилгани тўғрисида ҳозирга қадар камида 8 марта миш-миш тарқатилган. 2017 йилнинг ўзида оммавий ахборот воситалари Бағдодийни 4 марта «ўлдирган». Улар орасида Россия Мудофаа вазирлигининг Бағдодий ҳаво ҳужуми туфайли ҳалок бўлгани тўғрисидаги баёноти ҳам бор. Бундан ташқари, кўп маротаба унинг жароҳатлангани, ҳибсга олингани ва заҳарланганига оид хабарлар тарқалган.

Тавсия этамиз






Тавсия этамиз

Ҳар доим хабардор бўлинг!

carzone.uz мобил иловаларини кўчириб олинг ва барча янгиликлар сиз билан