Ўзбекистоннинг бир қанча шаҳарларида ер силкиниши сезилди
29.09.2017 19:07,
3
Бугун, 29 сентябрь куни Ўзбекистоннинг айрим ҳудудларида зилзила содир бўлди. Ер силкиниши Тошкент вақти билан 18:50 атрофида сезилди.
Европа—Ўртаер сейсмик маркази маълумотларига кўра, зилзила эпитсентри Жиззах шаҳридан 43 километр жануби-шарқда, Зоминдан эса 27 километр жануби-ғарбда жойлашган.
Ерости силкинишлари магнитудаси эпитсентрда 5,2 ни ташкил этган. Зилзила ўчоғи 30 километр чуқурликда жойлашган.
Зилзила оқибатлари ҳақида ҳозирча расмий маълумотлар йўқ.
Хабар тўлдирилмоқда