Шавкат Мирзиёев Жанубий Корея ва Японияга боради

29.09.2017 | Ўзбекистон | 2604

Бугун, 29 сентябрь куни соат 11:20да бошланган Халқаро пресс клубнинг навбатдаги сессиясида Ташқи ишлар вазири Абдулазиз Комилов, Сенатор Алишер Курманов ҳамда АҚШ, Қозоғистон, Қирғиз, Афғонистон мамлакатларининг Ўзбекистондаги элчихонаси вакиллари иштирок этдилар.

Ўзбекистон Ташқи ишлар вазири Абдулазиз Комилов Ўзбекистон Республикаси Президенти Шавкат Мирзиёевнинг 2017 йилда Жанубий Корея ва Японияга ташрифи амалга оширилиши ҳақида айтиб ўтди.

​Бундан олдинроқ Шавкат Мирзиёев ноябрь ойида Жанубий Кореяга бориши маълум қилинганди. Япония сафари санаси маълум эмас.​

Маълумот учун Ўзбекистон президенти жорий йилда шу вақтгача 7 давлатга ташрифларни амалга оширди: Туркманистон, Қозоғистон, Россия, Хитой, Саудия Арабистони, Қирғизистон ва АҚШ.