Европа-Ўртаер сейсмик маркази маълумотларига кўра, зилзила эпимаркази Жиззах шаҳридан 45 километр жануби-шарқда, Зоминдан 23 километр жануби-ғарбда жойлашган.

Маълумот берилишича, зилзила магнитудаси 5,1 баллни ташкил этган. Зилзила ўчоғи 10 километр чуқурликда жойлашган.

АҚШ Геология маркази сайтида ҳам ушбу ер силкиниши ҳақидаги маълумотлар қайд этилган бўлиб, унда зилзила кучи 5 баллга тенглиги, зилзила ўчоғи эса 20 километр чуқурликда жойлашгани айтилган.

Тошкент шаҳри аҳолиси 4 балл атрофидаги ер қимирлаши кучини сезишди. Зилзила Фарғона водийси ва Самарқандда ҳам кузатилган. 

Тошкент сейсмология маркази тез орада аниқ маълумотлар тақдим этиши кутилмоқда.