Ўзбекистон валюта бозорини эркинлаштишнинг реал сектор корхоналари ва ижтимоий соҳага таъсирини енгиллаштириш учун Жаҳон банкининг 1 млрд долларгача миқдордаги заёмини жалб қилишни режалаштирмоқда.
Бу ҳақдаги келишувга Президент Шавкат Мирзиёевнинг 20 сентябрь куни Нью-Йоркда Жаҳон банки президенти Жим Ёнг Ким билан учрашуви якунлари бўйича эришилган. 27 сентябрда эса давлат раҳбарининг «Ўзбекистон Республикасининг БМТ ва унинг тузилмалари, халқаро молия институтлари ва бошқа ташқи сиёсат шериклари билан ҳамкорлигини янада мустаҳкамлаш ва ривожлантириш чора-тадбирлари тўғрисида"ги қарори қабул қилинди.
Заёмнинг дастлабки шартлари муҳокамаси жорий йил ноябрида бошланиши, келишув лойиҳаси эса келгуси йилнинг иккинчи-учинчи чорагида ЖБ директорлар кенгаши тасдиғига киритилиши лозим.