Анталия шаҳри хавфсизлик бошқармаси 12 нафар хориж фуқаросини депортация қилиш ҳақида қарор қабул қилди. Бу ҳақда “Newsturk.ru” нашри хабар берди.
Улар Анталиянинг иккита туманида фоҳишалик билан шуғуллангани аниқланган. Икки ой давомида олиб борилган кузатувлардан кейин ҳуқуқни муҳофаза қилувчи орган ходимлари махсус операция ўтказган.
Натижада полиция шаҳардаги меҳмонхона ва бир қанча хусусий уйларда Ўзбекистон, Россия, Молдова фуқаролари бўлган 3 нафар ҳамда қирғизистонлик 9 нафар қизни қўлга олган.