Ўзбекистон 48 та тиббий муассасани сотувга қўйди
6.10.2017 11:59,
8
Ўзбекистонда соғлиқни сақлаш соҳасида давлат активларини ёппасига хусусийлаштириш ишлари бошланди.
Ўзбекистон президенти Соғлиқни сақлаш ва Молия вазирликларининг самарасиз фаолият кўрсатаётган тиббий ташкилотлар активларини тадбиркорларга сотиш тўғрисидаги таклифини маъқуллаган. Ҳукумат фикрига кўра, бу хусусий тиббий хизматлар соҳасини янада ривожлантириш учун яхши омил бўлиб хизмат қилади.
Давлат активлари хусусийлаштириш шарти билан сотиладиган тиббий муассасалар рўйхатидан 48 та турли объектлар ўрин олган.
Сотилаётган объектларнинг 90%и — бу давлат стоматология пликлиникаларидир.
Ушбу объектларни харид қилаётган тадбиркорлар фаолият турини 10 йил давомида сақлаб қолиш мажбуриятини ўз зиммаларига оладилар.