Россия президенти Владимир Путинга туғилган куни муносабати билан дунё мамлакатлари раҳбарларидан табриклар келмоқда деб хабар қилди Кремл матбуот-хизмати.

Хабарда айтилишича, Ўзбекистон президенти Шавкат Мирзиёев Владимир Путинни телефон орқали табриклаган.

Ўзбекистон раҳбари Россия президентини таваллуд куни билан самимий табриклаб, унга сиҳат-саломатлик ва давлат раҳбари сифатидаги серқирра фаолиятига муваффақиятлар, Россия халқига тинчлик-хотиржамлик ва фаровонлик тилади.

Владимир Путинни шунингдек, Арманистон президенти Серж Саргсян, Озарбайжон Республикаси раҳбари Илхом Алиев, Қозоғистон президенти Нурсултон Назарбоев, Қирғизистон президенти Алмазбек Атамбаев, Тожикистон президенти Эмомали Раҳмон, Беларус президенти Александр Лукашенко, Мўғулистон президенти Халтмагийн Баттулга, Финляндия президенти Саули Ниинистё, Сербия президенти Александр Вучич, шунингдек, Халқаро Олимпия қўмитаси президенти Томас Бах телефон орқали муборакбод этишган.