Валюта курси: Ўз.Р.Марказий банки
USD
АҚШ доллари
EUR
Eвро
RUB
Россия рубли
Sayt test rejimida ishlayapti!!!

Сўнгги янгиликлар






Каталония мустақиллигини эълон қилиш яна кечиктирилди
11.10.2017 20:14,  
2

Кеча оқшомда Каталония раҳбарлари томонидан тарихий ҳужжат имзоланди. Каталония президенти Карлес Пуждемон ва республиканинг бошқа маҳаллий раҳбарлари ҳозирча фақат рамзий аҳамиятга эга бўлган декларациясига қўл қўйишган.

Мустақиллик декларациясини имзолашдан аввал Парламент олдида чиқиш қилган Каталония президенти Карлес Пуждемон Испаниядан мустақиллик эълон қилиш вақтинчалик кечиктириб турилишини айтган. Каталония раҳбари вилоятнинг келажаги борасида Испания ҳукумати билан музокаралар ўтказишга чақирган.

Мустақилликни расман эълон қилиш масаласи кечиктирилиши парламент биноси олдига тўпланган мустақиллик тарафдорларининг ғазабига сабаб бўлган. Улар мустақиллик эълон қилинишини 1 октябр санасидан бери интиқлик билан кутишаётган эди. 1 октябр куни бўлиб ўтган референдумда Каталония аҳолисининг 90 фоизи мустақилликни ёқлаб овоз берган.

Дастлаб, Карлес Пуждемон реферндумдан кейин 48 соат ичида парламент томонидан мустақиллик эълон қилинишини айтган эди. Аммо референдум натижаси расмий Мадрид томонидан жуда кескин кайфиятда кутиб олинган. Испания ҳукумати Каталония мустақиллиги тан олинмаслигини маълум қилган. Айни пайтда, Каталонияни мустақил деб эълон қилиш Испания конституциясига зид эканлиги маълум қилинган.

Каталония раҳбариятининг Евроиттифоқ ва дунёнинг бошқа давлатларини Испания ҳукумати билан музокараларда воситачилик қилишга чақириқлари самарасиз кетди. Испания ҳудудининг яхлитлигини эътироф этган Франция ва Германия ҳукуматлари Каталония мустақиллиги тан олинмаслигини эълон қилишди.

Кеча қабул қилинган мустақиллик декларацияси қонуний кучга эгалиги ҳозирча сўроқ остида турибди. Пуждемоннинг нутқи унинг мухолифларининг ҳам эътирозларига сабаб бўлган. Мухолиф партия вакиллари президентни мустақиллик эълон қилиш учун қулай имкониятни қўлдан бой беришда айблашган.

Тавсия этамиз






Тавсия этамиз

Ҳар доим хабардор бўлинг!

carzone.uz мобил иловаларини кўчириб олинг ва барча янгиликлар сиз билан