Қирғизистонда президент сайловида амалдаги президент партияси вакили, собиқ бош вазир Сооронбай Жээнбеков ғалаба қозонди. Бу ҳақида Қирғизистон сайлов идораси раҳбари Нуржан Шайлдабекова 97 фоиз бюллетенлар кўриб чиқилганидан сўнг маълум қилди.
Мамлакатда 3 миллион 26 минг киши овоз бериш ҳуқуқига эга бўлиб, уларнинг 56 фоизи овоз берди. Сооронбай Жээнбеков, дастлабки маълумотларга кўра, қарийб 55 фоиз овоз олди, унинг асосий рақиби Омурбек Бабанов эса 33 фоиз овоз тўплади.