Ташқи ишлар вазири АҚШ элчисини қабул қилди

23.10.2017 | Ўзбекистон | 2304

2017-йилнинг 23-октябр куни Ўзбекистон Республикаси Ташқи ишлар вазири Абдулазиз Камилов АҚШ Фавқулодда ва Мухтор Элчиси Памела Леора Спратленни қабул қилди.

Суҳбат чоғида Ўзбекистон Президенти Шавкат Мирзиёевнинг сентябр ойидаги Ню-Ёрк шаҳрига ташрифи ва АҚШ ишбилармонлари билан учрашувлар доирасида эришилган келишувларни амалга ошириш жараёни муҳокама қилинди.

Шунингдек, Самарқанд шаҳрида бўлиб ўтадиган “Марказий Осиё: ягона тарих ва умумий келажак, барқарор ривожланиш ва тараққиёт йўлидаги ҳамкорлик” юқори даражадаги халқаро конференцияда АҚШнинг нуфузли делегацияси иштирокининг амалий жиҳатлари кўриб чиқилди.