Ўзбекистон ва Туркия ўртасида 20 дан зиёд ҳужжат имзоланди
26.10.2017 14:40,
4
25 октябрь куни Анқарада Шавкат Мирзиёев ва Режеп Таййип Эрдўғон ҳамда икки мамлакат расмий делегациялари иштирокида музокаралар бўлиб ўтди, деб хабар беради Ўзбекистон раҳбарининг расмий сайти.
Музокаралар якунида Ўзбекистон ва Туркия ўртасидаги ҳамкорликнинг турли соҳаларига доир 20 дан зиёд ҳужжат имзоланди.
Президент Шавкат Мирзиёев ва Президент Режеп Таййип Эрдўғон давлат раҳбарларининг Қўшма баёнотини имзоладилар.
Шунингдек, савдо, саноат, банк-молия, инвестиция, туризм, юк ташиш, соғлиқни сақлаш, кадрлар тайёрлаш, мудофаа ва бошқа соҳалардаги ҳамкорликни ривожлантиришга доир қатор ҳужжатлар қабул қилинди.
Шавкат Мирзиёевнинг Туркияга давлат ташрифи давом этмоқда.