Испания Каталония ҳукумати ва парламентини тарқатиб юборди

28.10.2017 | Жаҳон | 2549

Испания ҳукумати Каталония полицияси бошлиғини ўз лавозимидан четлатишга қарор қилди. Бу ҳақда Испания бош вазири Мариано Рахой твиттердаги саҳифасида ёзган. 

Бош вазирнинг айтишича, Испания ҳукумати бу масалани ҳал қилиш учун бир қатор чораларни кўрган. Унинг айтишича, Каталонияда сайловлар 21 декабрга белгиланган.

Автономия ҳукумати тўлиқ тарқатиб юборилишидан ташқари маҳаллий полиция раҳбари Хосеп Луис Траперо ҳам лавозимидан четлатилди.

Эслатиб ўтамиз, Каталония парламенти 27 октябрь куни мустақиллик тўғрисидаги декларацияни қабул қилди. Шундан сўнг Испания сенати мамлакат ҳукуматининг минтақада тўғридан тўғри бошқарув жорий этиш тўғрисидаги қарорини маъқуллади.